परिसरात बेफामपणे सुरू असलेल्या नियमबाह्य आणि ओव्हरलोड रेती वाहतुकीला चाप लावण्यासाठी मोटार वाहन विभागाने (RTO) शुक्रवारी जोरदार धडक मोहीम राबवली. किनगाव जटू, खापरखेड आणि बीबी परिसरात अचानक राबवण्यात आलेल्या या मोहिमेत नियमांची ऐशीतैशी करणाऱ्या ४ अवजड वाहनांवर कारवाई करत तब्बल १ लाख ३६ हजार रुपयांचा दणदणीत दंड वसूल करण्यात आला. RTO च्या या अचानक कारवाईमुळे वाळू माफियांमध्ये एकच धावपळ उडाली आहे.
कारवाईचे प्रमुख मुद्दे :
नियम धाब्यावर : वाहनांमध्ये क्षमतेपेक्षा कितीतरी पटीने अधिक रेती भरून वाहतूक केली जात होती.
विना नंबर प्लेट वाहने : कारवाई आणि कायद्याची नजर चुकवण्यासाठी काही वाहनांवर नंबर प्लेटच नसल्याचे धक्कादायक वास्तव तपासणीत समोर आले.
जागीच दंड वसूल : नियमभंग उघडकीस येताच पथकाने वाहने ताब्यात घेऊन संबंधितांना १ लाख ३६ हजार रुपयांचा दंड ठोठावला.
अधिकारी व कर्मचाऱ्यांची कामगिरी
ही धडक मोहीम मोटार वाहन निरीक्षक मंदार टवलारकर व सतीश टूले यांच्या थेट मार्गदर्शनाखाली पार पडली. या कारवाईत वाहन चालक अशोक ढाकणे व योगेश इंगळे यांनी महत्त्वाची भूमिका बजावली.
रस्त्यांची वाट लावणारी ओव्हरलोड वाहने आणि विना नंबर प्लेट फिरणाऱ्या संशयित वाहनांवर अशीच कठोर आणि सातत्यपूर्ण कारवाई सुरू ठेवावी, अशी जोरदार मागणी आता स्थानिक नागरिकांमधून केली जात आहे.
.jpeg)
0 Comments