आमदार सिद्धार्थ खरात यांनी शब्द पाळला! सुलतानपूर येथील वेदांत आश्रमात पेव्हर ब्लॉकच्या कामाचा प्रारंभ

सुलतानपूर (गावकरी टाइम्स/शेख इमरान):

विकासकामांबाबत दिलेला शब्द कृतीत उतरविण्याची परंपरा कायम राखत मेहकर-लोणार मतदारसंघाचे आमदार सिद्धार्थ खरात यांच्या विशेष प्रयत्नातून सुलतानपूर येथील प्रसिद्ध वेदांत आश्रमात पेव्हर ब्लॉक बसविण्याच्या कामाचा शुभारंभ शनिवार, १ ऑगस्ट रोजी मोठ्या उत्साहात पार पडला. आमदारांच्या या पुढाकारामुळे आश्रमात येणाऱ्या हजारो भाविकांची पावसाळ्यातील मोठी अडचण आता दूर होणार आहे.

"आमच्या WhatsApp ग्रुपला जॉईन होण्यासाठी येथे क्लिक करा"

भाविकांची चिखलाच्या त्रासातून होणार सुटका

वेदांत आश्रमात दररोज तसेच विविध धार्मिक व आध्यात्मिक सोहळ्यांच्या वेळी मोठ्या संख्येने भाविक दर्शनासाठी येतात. मात्र, पावसाळ्यात आश्रम परिसरात मोठ्या प्रमाणावर चिखल होत असल्याने भाविकांची व दर्शनासाठी येणाऱ्या नागरिकांची प्रचंड गैरसोय होत होती. ही गंभीर समस्या लक्षात घेऊन स्थानिक कार्यकर्ते बंडूभाऊ जोगदंड (शिवसेना उबाठा शहराध्यक्ष), कैलासभाऊ हरकाळ, विजय सुरुशे, गफ्फार शाह, प्रदीपभाऊ सुरुशे, वसीम पत्रकार, लालू मुल्लाजी यांनी आमदार सिद्धार्थ खरात यांच्याकडे या समस्येवर तोडगा काढण्याची विनंती केली होती.

आमदार खरात यांनी या मागणीची तात्काळ दखल घेत आवश्यक निधी मंजूर करून कामाला गती दिली आणि प्रत्यक्षात पेव्हर ब्लॉक कामाचा प्रारंभ केला.

"पेव्हर ब्लॉकचे काम पूर्ण झाल्यानंतर आश्रम परिसर अधिक स्वच्छ, सुबक आणि भाविकांसाठी सुरक्षित होईल. धार्मिक स्थळांचा विकास आणि भाविकांची सोय ही आपली प्राथमिकता आहे."

— आमदार सिद्धार्थ खरात

प्रमुख मान्यवरांची उपस्थिती

या उद्घाटन सोहळ्याप्रसंगी उपस्थितांनी आमदार सिद्धार्थ खरात यांच्या विकासाभिमुख कार्यशैलीचे आणि धार्मिक स्थळांच्या समस्यांबाबत दाखवलेल्या संवेदनशीलतेचे मनःपूर्वक कौतुक केले.

या कार्यक्रमास:

वेदांत आश्रम समिती व महाराज: विकास चाटे महाराज (वेदांत आश्रम), वामनराव झोरे (उपाध्यक्ष, वेदांत आश्रम समिती), दामोधर लाहोटी (संचालक).

प्रमुख उपस्थिती: वसंतभाऊ जुमडे (पत्रकार), डिगांबर सुरुशे, सुमेध देबाजे, गुलाबराव तांगडे, शुभम दानवे.

तसेच परिसरातील ग्रामस्थ, भाविक आणि लोकप्रतिनिधी मोठ्या संख्येने उपस्थित होते.

काम मार्गी लागल्याबद्दल वेदांत आश्रम समिती व स्थानिक ग्रामस्थांच्या वतीने आमदार सिद्धार्थ खरात तसेच सातत्याने पाठपुरावा करणाऱ्या स्थानिक कार्यकर्त्यांचे आभार व्यक्त करण्यात आले.

बातमी आणि जाहिरात साठी संपर्क करा : ९८६०४९४८०७ ——— बातमी आणि जाहिरात साठी संपर्क करा : ९८६०४९४८०७