लोणार (गावकरी टाइम्स/फिरदौस खान पठाण):
नागरिकांना प्रशासकीय प्रक्रियेत सुलभता यावी आणि मतदार जागृती व्हावी या उद्देशाने, जमीयत उलेमा लोणारच्या वतीने रविवार, दिनांक १९ जुलै २०२६ रोजी एका विशेष 'महा S.I.R. कॅम्प' चे आयोजन करण्यात आले होते. आझाद नगर येथील डायमंड फंक्शन हॉलमध्ये पार पडलेला हा कॅम्प नागरिकांच्या उत्स्फूर्त प्रतिसादामुळे अत्यंत यशस्वी ठरला.
प्रशासकीय मार्गदर्शन आणि नागरिकांना सहकार्य
या कॅम्पचा मुख्य उद्देश नागरिकांना S.I.R. फॉर्म भरणे, कागदपत्रांची पूर्तता करणे आणि संबंधित प्रक्रियेबाबत सविस्तर मार्गदर्शन करणे हा होता. परिसरातील मोठ्या संख्येने नागरिक व मतदारांनी या कॅम्पला भेट देऊन उपलब्ध सुविधेचा लाभ घेतला.
मान्यवरांची उपस्थिती आणि कौतुक
या शिबिराला परिसरातील अनेक प्रमुख नेत्यांनी व प्रशासकीय अधिकाऱ्यांनी भेटी दिल्या. यामध्ये प्रामुख्याने:
भूषण मापारी (नगराध्यक्ष)
आबेद खान पठाण (उपनगराध्यक्ष)
डोळे साहेब (नायब तहसीलदार)
चव्हाण सर (लोणार सुपरवायझर)
जड्डा सेठ
उपस्थित सर्व मान्यवरांनी कॅम्पच्या नियोजनाची पाहणी केली आणि जमीयत उलेमा लोणारच्या या जनहितकारी उपक्रमाचे विशेष कौतुक केले.
.jpeg)
नागरिकांना फॉर्म भरताना कोणतीही अडचण येऊ नये यासाठी विविध बी.एल.ओ. (B.L.O.) अधिकाऱ्यांनी मोलाचे मार्गदर्शन केले. यामध्ये आतिफोद्दीन सर, शमसुद्दीन सर, गजानन हागवणे सर, कदीर सर, सलीम सर, लुकमान सर, इशान सर, खलील सर व आमेर सर यांनी उपस्थित राहून नागरिकांना आवश्यक ती सर्व मदत केली.
हा कॅम्प यशस्वी करण्यासाठी जमीयत उलेमा लोणारचे अध्यक्ष ॲड. हाजी रिजवान जडा यांच्या नेतृत्वाखाली रिजवान खान, वसीफ खान, इझहार खान, मौलाना राझिक, हाफिज अयाज, हाफिज तारिक आणि मौलाना अहमद यांनी अहोरात्र परिश्रम घेतले.
भविष्यातही लोकहितकारी उपक्रम राबवणार!
कॅम्पच्या यशस्वीतेनंतर ॲड. हाजी रिजवान जडा यांनी उपस्थित सर्व मान्यवर, बी.एल.ओ. अधिकारी, कार्यकर्ते आणि नागरिकांचे मनापासून आभार मानले. तसेच, नागरिकांच्या सोयीसाठी आणि जनहितासाठी भविष्यातही जमीयत उलेमा लोणारच्या वतीने अशाच प्रकारचे सामाजिक व लोकहितकारी उपक्रम राबविले जातील, अशी ग्वाही त्यांनी याप्रसंगी दिली.
.jpeg)
0 Comments