शहरभरात खळबळ उडवून देणारी एक हायटेक आणि नियोजनबद्ध चोरीची घटना घडली आहे! डीपी रोडवरील ब्राह्मण सभा समोर सुरू असलेल्या ‘रामा ईलाट’ प्रोजेक्टवर अज्ञातांनी धाड टाकून तब्बल ₹१० लाख १३ हजार ८०८ रुपये किमतीचे RR कंपनीचे इलेक्ट्रिक वायर बंडल लंपास केले आहेत.
चोरीची धक्कादायक ‘मोडस ऑपरेंडी’ (Modus Operandi)
या दरोड्यात चोरट्यांनी ज्या शातिरपणे काम केले, त्याने पोलिसांनाही चक्रावून सोडले आहे:
निगराणी यंत्रणा केली निष्क्रिय: मध्यरात्री सुमारे १२:५० वाजता चोरट्यांनी आधी MCB बंद केला, ज्यामुळे संपूर्ण परिसरातील CCTV कॅमेरे बंद पडले.
शटर तोडून डल्ला: कॅमेरे 'ब्लाईंड' होताच चोरट्यांनी दुकानाचे शटर तोडले आणि आत ठेवलेले नागपूरवरून आणलेले महागडे वायरचे बंडल पळवून नेले.
सकाळी उघडकीस आला प्रकार
‘श्री बालाजी इन्फ्रा’ कंपनीचे योगेश आशिष भगत यांच्या तक्रारीनुसार, हे वायर बंडल साइटवरील दुकानात सुरक्षित ठेवण्यात आले होते. २१ जुलै रोजी सकाळी जेव्हा सुपरवायझर अक्षय वासकर साइटवर पोहोचले, तेव्हा दुकानाचे शटर तुटलेले आणि लाखो रुपयांचा माल गायब असल्याचे निदर्शनास आले.
बांधकाम व्यावसायिकांमध्ये घबराट!
या धाडसी घरफोडीमुळे खामगावच्या बांधकाम क्षेत्रात मोठी खळबळ उडाली आहे. इतक्या मोठ्या प्रमाणावर माल वाहून नेणारी ही टोळी नक्की कोण? आणि हा माल कुठे लपवला गेला? असा मोठा प्रश्न आता उपस्थित होत असून, चोरट्यांचा माग काढणे हे खामगाव शहर पोलिसांसमोर एक मोठे आव्हान ठरत आहे.
.jpeg)
0 Comments