"फार्मासिस्ट आता केवळ औषध विक्रेता नाही, तर समाजाचा खरा 'आरोग्यदूत'; अमरावती झोनने रचला नवा इतिहास!"

गावकरी टाइम्स विशेष:महाराष्ट्र स्टेट फार्मसी कौन्सिलच्या 'औषध माहिती केंद्र' (DIC) अंतर्गत, मा. श्री आप्पासाहेब शिंदे यांच्या दूरदृष्टीपूर्ण संकल्पनेतून फार्मासिस्टना अधिक सक्षम, अद्ययावत आणि रुग्णकेंद्री बनवण्यासाठी संपूर्ण राज्यात ज्ञानाची चळवळ सुरू आहे. याच चळवळीचा भाग म्हणून, आज अमरावती झोनने एक नवा इतिहास रचला आहे.

"आमच्या WhatsApp ग्रुपला जॉईन होण्यासाठी येथे क्लिक करा"

काय आहे हा ऐतिहासिक टप्पा?

राज्यात आतापर्यंत राबविण्यात आलेल्या ४२१ प्रशिक्षण कोर्सेसपैकी, १०० व १०१ वा उपक्रम यशस्वीरित्या पूर्ण करून अमरावती झोनने राज्यात अव्वल स्थान पटकावले आहे.

१०० वा उपक्रम: महागाव, जि. यवतमाळ.

 १०१ वा उपक्रम: वाशिम.

फार्मासिस्ट: समाजाचा आरोग्यदूत!

केवळ कोर्सेस पूर्ण करणे हे उद्दिष्ट नसून, "फार्मासिस्ट हा केवळ औषध विक्रेता नसून समाजाचा खरा आरोग्यदूत आणि विश्वासू आरोग्यमित्र आहे," हा संदेश जनमानसापर्यंत पोहोचवणे हे या उपक्रमांचे मुख्य ध्येय आहे. यापूर्वी MedSafety Week आणि जागतिक महिला दिनानिमित्तही अमरावती झोनने सर्वाधिक उपक्रम राबवून आपले नेतृत्व सिद्ध केले आहे.

यशाचे शिल्पकार:

या यशामागे मा. श्री अनिलभाऊ नावंदर यांचे प्रेरणादायी मार्गदर्शन, MSPC चे अध्यक्ष मा. श्री अतुलजी अहीरे, उपाध्यक्ष मा. श्री धनंजयजी जोशी, परिषदेचे सर्व सदस्य आणि अमरावती झोनमधील सर्व जिल्हा पदाधिकारी, प्रशिक्षक व उत्साही फार्मासिस्ट यांचे अनमोल योगदान आहे. DIC प्रमुख श्री गणेशजी बंगळे यांनी या सर्वांचे विशेष अभिनंदन केले आहे.

चला, अशाच नाविन्यपूर्ण उपक्रमांतून एक सक्षम फार्मासिस्ट आणि बळकट आरोग्य व्यवस्था उभारण्याचा संकल्प अधिक दृढ करूया!

बातमी आणि जाहिरात साठी संपर्क करा : ९८६०४९४८०७ ——— बातमी आणि जाहिरात साठी संपर्क करा : ९८६०४९४८०७