मेहकर (गावकरी टाइम्स/नूर खान): मेहकर येथील जानेफळ रोडवर असलेल्या प्रसिद्ध हॉटेल जगदंबाला आज भीषण आग लागल्याची धक्कादायक घटना घडली आहे. या आगीने रौद्र रूप धारण केल्याने परिसरात मोठी खळबळल उडाली असून, आगीत हॉटेलसह आजूबाजूच्या दुकानांचेही लाखो रुपयांचे नुकसान झाले आहे.
नेमकी घटना काय?
मिळालेल्या प्राथमिक माहितीनुसार, जानेफळ रोडवरील हॉटेल जगदंबाला अचानक आग लागली. पाहता पाहता आगीच्या ज्वाळांनी संपूर्ण हॉटेलला वेढले. या आगीची भीषणता इतकी होती की, जवळच असलेल्या काही दुकानांनाही याची झळ बसली आहे. यात मोठे आर्थिक नुकसान झाल्याचा अंदाज वर्तवण्यात येत आहे.
प्रशासकीय यंत्रणा सतर्क:
घटनेची माहिती मिळताच स्थानिक पोलीस प्रशासन आणि अग्निशमन दलाच्या गाड्या तातडीने घटनास्थळी दाखल झाल्या आहेत. सध्या युद्धपातळीवर आग विझवण्याचे प्रयत्न सुरू आहेत. सुदैवाने या आगीत कोणतीही जीवितहानी झाल्याचे वृत्त अद्याप समोर आलेले नाही.
आगीचे कारण अस्पष्ट:
ही आग शॉर्ट सर्किटमुळे लागली की अन्य काही कारणास्तव, याचे अधिकृत कारण अद्याप स्पष्ट होऊ शकलेले नाही. पोलीस या प्रकरणाचा अधिक तपास करत आहेत.
.jpeg)
0 Comments