पुणे/मुंबई: ऐन उन्हाळ्यात राज्याच्या हवामानात मोठी उलथापालथ सुरू झाली आहे. मंगळवारी मुंबईसह राज्याच्या अनेक भागांत पावसाने हजेरी लावली असून, येत्या शुक्रवारपर्यंत (२४ एप्रिल) ही स्थिती कायम राहणार असल्याचा अंदाज हवामान विभागाने वर्तवला आहे. विशेषतः मध्य महाराष्ट्र, विदर्भ आणि मराठवाड्यात काही ठिकाणी विजांच्या कडकडाटासह गारपीट होण्याची शक्यता असल्याने प्रशासनाने 'सतर्कतेचा इशारा' दिला आहे.काय आहे हवामान विभागाचा अंदाज?हवामान खात्याच्या माहितीनुसार, २२ ते २४ एप्रिल या कालावधीत वातावरणात बाष्पाचे प्रमाण वाढल्याने वादळी वारे आणि पावसासाठी पोषक स्थिती निर्माण झाली आहे. जरी हा पाऊस उकाड्यापासून थोडा दिलासा देणारा वाटत असला, तरी काही जिल्ह्यांमध्ये कमाल तापमान ४० अंश सेल्सिअसच्या आसपास राहण्याची शक्यता आहे.मंगळवारी कुठे काय झाले?सोलापूर: शहरात मंगळवारी सायंकाळी विजांच्या कडकडाटासह जोरदार पाऊस झाला. काही ठिकाणी गारा पडल्याने नागरिकांची धावपळ उडाली.हिंगोली: सोमवारी रात्री झालेल्या पावसाने शेतकऱ्यांचे मोठे नुकसान झाले. वाळवणीसाठी ठेवलेली हळद भिजली असून उभी ज्वारी आडवी झाली आहे.कोकण (सिंधुदुर्ग/रायगड): कणकवली परिसरात अवकाळी पावसाने व्यापाऱ्यांची तारांबळ उडवली, तर रायगडमध्ये हलक्या सरींनी हजेरी लावली.नागरिकांसाठी विशेष खबरदारीच्या सूचना:वातावरणातील बदल लक्षात घेता राज्य आपत्कालीन कार्य केंद्राने खालील सूचनांचे पालन करण्याचे आवाहन केले आहे:विजांचा कडकडाट: वीज चमकत असताना मोकळ्या मैदानात, झाडाखाली किंवा पाण्याच्या जवळ उभे राहू नका.विद्युत उपकरणे: गडगडाटी वादळाच्या वेळी मोबाईल फोन किंवा इलेक्ट्रॉनिक उपकरणांचा वापर टाळा.सार्वजनिक कार्यक्रम: यात्रा किंवा धार्मिक कार्यक्रमांसारख्या मोठ्या गर्दीच्या ठिकाणचे आयोजन काही काळ स्थगित करावे.
.jpeg)
0 Comments