लोणारमध्ये ‘क्विझ सिरत-उन-नबी २०२६’चा भव्य पारितोषिक वितरण सोहळा संपन्न ६ विद्यार्थ्यांना उमराहची संधी; ५६ गुणवंतांना रोख पारितोषिके, तर १,४०० विद्यार्थ्यांचा गौरव

लोणार (गावकरी टाइम्स/फिरदोस खान):

विद्यार्थ्यांमध्ये प्रेषित मोहम्मद (सल्लल्लाहु अलैहि वसल्लम) यांच्या जीवनचरित्राची ओळख व्हावी, नैतिक मूल्यांची रुजवण व्हावी आणि ज्ञानाची आवड वाढावी, या उद्देशाने आयोजित करण्यात आलेल्या जिल्हास्तरीय ‘क्विझ सिरत-उन-नबी २०२६’ या स्पर्धेचा भव्य पारितोषिक वितरण सोहळा रविवार, २५ ऑक्टोबर रोजी लोणार येथे मोठ्या उत्साहात पार पडला. या स्पर्धेचे हे सलग पाचवे वर्ष होते.

"आमच्या WhatsApp ग्रुपला जॉईन होण्यासाठी येथे क्लिक करा"

अखिल भारतीय मुस्लिम पर्सनल लॉ बोर्डाचे सेक्रेटरी मौलाना उमरैन महेफुज रहेमानी आणि मौलाना नसरुल्लाह रहेमानी यांच्या प्रमुख उपस्थितीत हा सोहळा संपन्न झाला. बुलढाणा जिल्ह्यातील विविध तालुक्यांमधील इयत्ता ६ वी ते १२ वीच्या तब्बल १,४०० विद्यार्थ्यांनी या परीक्षेत सहभाग नोंदवला होता.

६ विद्यार्थ्यांना उमराहची सुवर्णसंधी

प्रत्येक तालुका गटातून गुणवत्तेच्या आधारे निवड झालेल्या खालील ६ भाग्यवान विद्यार्थ्यांना उमराहची संधी प्रदान करण्यात आली:

जुबिया अनम इमरान खान – डॉ. जाकीर हुसेन स्कूल, लोणार

मोहम्मद शादाब शेख शमशुद्दीन – मोहम्मद सोहेल उर्दू हायस्कूल, सुलतानपूर

खादीजा सय्यद फजल रहमान – श्री शिवाजी हायस्कूल, मेहकर

मोहम्मद अब्दुल रहमान मोहम्मद सलीम – हाजी रोशन उर्दू हायस्कूल, चिखली

मरयम फिरदोस सय्यद मुनिरोद्दिन – उर्दू हायस्कूल, जळगाव जामोद

जवेरीया नूर मोहम्मद रिजवान – अली अल्लाना उर्दू हायस्कूल, मलकापूर

क्रमांकनिहाय विजेत्यांना आकर्षक वस्तुरूपी बक्षिसे

गुणवत्ता यादीतील द्वितीय ते सहाव्या क्रमांकाच्या विद्यार्थ्यांना पुढीलप्रमाणे वस्तुरूपी पारितोषिके देण्यात आली:

द्वितीय क्रमांक: अर्शिया शेख नवेद (अंजुमन उर्दू हायस्कूल, खामगाव) – फ्रिज

तृतीय क्रमांक: अलिशबा तबस्सूम शेख अजीम (उर्दू गर्ल्स स्कूल, मलकापूर) – वॉशिंग मशीन

चतुर्थ क्रमांक: ईकरा शेख फारूक – गिझर

पाचवा क्रमांक: गुल्फिशा बी – आर.ओ. वॉटर फिल्टर

सहावा क्रमांक: हलीमा फिरदोस (उर्दू ज्युनिअर कॉलेज, जळगाव जामोद) – आर.ओ. वॉटर फिल्टर

तसेच परीक्षेत उल्लेखनीय यश मिळविणाऱ्या ५६ अतिरिक्त गुणवंत विद्यार्थ्यांना प्रत्येकी १,००० रुपये रोख व प्रमाणपत्र देण्यात आले, तर सर्व सहभागी १,४०० विद्यार्थ्यांना सहभाग प्रमाणपत्र देऊन सन्मानित करण्यात आले.

मान्यवर आणि सूत्रसंचालन

कार्यक्रमाचे प्रास्ताविक प्राचार्य शेख रफिक सर यांनी केले, तर सूत्रसंचालन डॉ. फिरोज खान (प्राचार्य, डॉ. जाकीर हुसेन हायस्कूल व ज्युनिअर कॉलेज) यांनी केले. लोणार सेंट्रल पब्लिक स्कूलचे उपप्राचार्य नबील शेख यांनी पारितोषिक वितरणाचे नियोजन केले आणि हाफिज अब्दुल राजिक यांनी मध्यवर्ती सूत्रसंचालनाची जबाबदारी सांभाळली.

मंचावर संस्थेचे अध्यक्ष हाजी शेख मसूद, माजी केंद्रप्रमुख हाजी मनसब सर, डायरेक्टर फैसल शेख, हाजी मेहमूद सेठ, हाजी रिजवान जड्डा, दुआ फाउंडेशनचे वकार सर, नगरसेवक शेख उबेद यांच्यासह अनेक मान्यवर उपस्थित होते.

दानशूर प्रायोजक आणि संयोजकांचे योगदान

विद्यार्थ्यांना उमराहची संधी उपलब्ध करून देण्यासाठी शेख निसार सर (विदर्भ पोलीस अकॅडमी), अतीकभाई जवारीवाले (नगराध्यक्ष, मलकापूर नगर परिषद), दुआ फाउंडेशन (सुलतानपूर), हाजी शेख गफ्फार व हाजी शेख इकरामुद्दीन, जमियत उलेमा-ए-हिंद (लोणार) आणि डॉ. जाकीर हुसेन हायस्कूल व ज्युनिअर कॉलेज यांनी प्रायोजकत्व दिले.

तसेच वस्तुरूपी पारितोषिकांसाठी अफसर खान इब्राहिम खान, मीर साबीर अली बशारत अली, अब्दुल्ला खान युसुफ खान, अय्युब खान साहेब खान आणि जुबेर खान नूर खान यांचे मोलाचे सहकार्य लाभले.

कार्यक्रमाच्या शेवटी मोहम्मद रिजवान जड्डा यांनी सर्व प्रायोजक, शिक्षक, पालक व उपस्थितांचे आभार मानले. पुढील वर्षी ही स्पर्धा अधिक भव्य स्वरूपात आयोजित केली जाईल, अशी घोषणा करत सोहळ्याची सांगता झाली. उपस्थित सर्व विद्यार्थ्यांसाठी स्नेहभोजनाची उत्तम व्यवस्था करण्यात आली होती.

बातमी आणि जाहिरात साठी संपर्क करा : ९८६०४९४८०७ ——— बातमी आणि जाहिरात साठी संपर्क करा : ९८६०४९४८०७