स्व. देवानंदभाऊ कायंदे यांच्या स्मृतिप्रीत्यर्थ भव्य कावड यात्रा उत्साहात संपन्न; आमदार मनोजभाऊ कायंदे यांच्यासह शेकडो शिवभक्तांचा सहभाग

देऊळगाव राजा / धोत्रा नंदई(गावकरी टाइम्ससय्यद सादिक):

स्व. देवानंदभाऊ कायंदे यांच्या पवित्र स्मृतिप्रीत्यर्थ मनोजभाऊ मित्र मंडळाच्या वतीने आयोजित करण्यात आलेली भव्य कावड यात्रा अत्यंत भक्तिमय व उत्साही वातावरणात पार पडली. 'हर हर महादेव' आणि 'बम बम भोले'च्या जयघोषाने संपूर्ण परिसर दुमदुमून गेला होता. या कावड यात्रेत आमदार मनोजभाऊ कायंदे यांनी स्वतः कावड खांद्यावर घेत अत्यंत उत्साहाने व भक्तीभावाने सहभाग नोंदवला.

"आमच्या WhatsApp ग्रुपला जॉईन होण्यासाठी येथे क्लिक करा"

भक्तिमय मार्गावरून कावड यात्रा

सदर कावड यात्रा राम मंदिर, टाकरखेड भागिले येथून सुरू होऊन देऊळगाव राजा ॲग्रीकल्चर हायस्कूल मार्गे धोत्रा नंदई येथील पुरातन हेमाडपंती महादेव मंदिरापर्यंत काढण्यात आली. यावेळी भगवान शंकराची भव्य मूर्ती, आकर्षक सजावट आणि पारंपरिक वाद्यांच्या गजरात निघालेल्या यात्रेत भाविकांचा मोठा जनसागर लोटला होता.

आयोजन आणि मान्यवरांची उपस्थिती

यात्रेच्या यशस्वीतेसाठी मनोजभाऊ मित्र मंडळाच्या कार्यकर्त्यांनी विशेष परिश्रम घेतले. या प्रसंगी:

विकास नागरे

दिपक चोके

मयुर गिते

रविभाऊ लाड

यांच्यासह मित्रमंडळाचे सर्व पदाधिकारी, स्थानिक नागरिक व शेकडो शिवभक्त मोठ्या संख्येने उपस्थित होते.

धोत्रा नंदई येथील महादेव मंदिरात महादेवाला जलाभिषेक व पूजा-अर्चना करून यात्रेची सांगता करण्यात आली. आमदार मनोजभाऊ कायंदे यांनी या पवित्र यात्रेत सहभागी झालेल्या सर्व शिवभक्तांच्या भक्तीभावाचे कौतुक करत त्यांचे मनापासून आभार मानले.

बातमी आणि जाहिरात साठी संपर्क करा : ९८६०४९४८०७ ——— बातमी आणि जाहिरात साठी संपर्क करा : ९८६०४९४८०७