"महिलांनो घाबरू नका, पोलीस तुमच्या पाठीशी! साखरखेर्ड्यात 'दामिनी पथकाचा' विद्यार्थिनींना सुरक्षेचा दिलासा!"

साखरखेर्डा (गावकरी टाइम्स/जुबेर शाह) :

महिला आणि विद्यार्थिनींवरील अन्याय-अत्याचार खपवून घेतला जाणार नाही! टवाळखोरी करणाऱ्या आणि महिलांना त्रास देणाऱ्या गुन्हेगारांचे धाबे दणाणून सोडण्यासाठी बुलढाणा पोलिसांनी आता कंबर कसली आहे. मेहकर उपविभागीय पोलीस अधिकारी संतोष खाडे यांच्या संकल्पनेतून 'दामिनी पथकाने' आज साखरखेर्डा येथील 'एस. ई. एस. हायस्कूल तथा जुनियर कॉलेज'ला धडक भेट देत विद्यार्थिनींशी थेट संवाद साधला. या धडाकेबाज मोहिमेमुळे परिसरातील टवाळखोरांचे धाबे पुरते दणाणले आहेत.

"आमच्या WhatsApp ग्रुपला जॉईन होण्यासाठी येथे क्लिक करा"

"फक्त ११२ डायल करा, मिनिटात पोलीस दारात!"

​या प्रसंगी विद्यार्थिनींना मार्गदर्शन करताना सहाय्यक पोलीस उपनिरीक्षक द्रौपदी साळवे यांनी गुन्हेगारांना कडक शब्दांत इशारा दिला. त्या म्हणाल्या,

​"महिलांनी आता कोणताही अन्याय सहन करण्याची गरज नाही. कोणतीही अडचण, त्रास किंवा छेडछाड होत असल्यास तात्काळ '११२' या क्रमांकावर संपर्क करा. अवघ्या काही मिनिटांतच पोलीस घटनास्थळी हजर होऊन नराधमांवर आणि टवाळखोरांवर जागेवरच कठोर कायदेशीर कारवाई करतील!"

​जिल्हाभरात दामिनी पथकाचा दरारा!

​बुलढाणा पोलिसांचे हे दामिनी पथक सध्या महिलांसाठी मोठे सुरक्षा कवच ठरत असून, जिल्हाभरात या पथकाच्या धाडसी कामगिरीची मोठी चर्चा आहे. शाळा-कॉलेजच्या परिसरात फिरणाऱ्या टवाळखोरांवर या पथकाची करडी नजर असणार आहे. कोणत्याही आपत्कालीन प्रसंगी महिला व विद्यार्थिनींनी ०७२६२-२४२४०० या क्रमांकावर देखील संपर्क साधण्याचे आवाहन पोलीस कॉन्स्टेबल वैष्णवी काळे आणि शिवाजी चीम यांनी केले आहे.

​महाविद्यालयात झाली विशेष बैठक

​आज ७ जुलै २०२६ रोजी सकाळी ११:३० वाजता झालेल्या या अत्यंत महत्त्वाच्या कार्यक्रमाला महाविद्यालयातील मान्यवरांची प्रमुख उपस्थिती होती. यामध्ये:

​प्राचार्य: व्ही. एम. ठाकूर

​पर्यवेक्षक: प्रताप पागोरे

​प्राध्यापक वर्ग: प्रा. संजय देशपांडे, प्रा. वैशाली शुक्ल

​कर्मचारी व इतर उपस्थित: मगन रबडे, प्रताप तघरे, संगीता चव्हाण, अमोल लांबाडे, दर्शनकुमार गवई, लिपिक पवन देशमुख, लिपिक राजू दाभेकर आणि कृष्णा राऊत.

​थोडक्यात काय तर... मेहकर पोलिसांच्या या आक्रमक पवित्र्यामुळे आता साखरखेर्डा परिसरातील गुन्हेगारांना पळता भुई थोडी होणार आहे, हे मात्र नक्की!

बातमी आणि जाहिरात साठी संपर्क करा : ९८६०४९४८०७ ——— बातमी आणि जाहिरात साठी संपर्क करा : ९८६०४९४८०७