पूर्ववैमनस्य व नियोजनबद्ध पाठलाग
मिळालेल्या अधिकृत माहितीनुसार, संग्रामपूर तालुक्यातील एका गावाची रहिवासी असलेली १६ वर्षीय अल्पवयीन मुलगी सोमवार, ८ जून रोजी सकाळी नेहमीप्रमाणे तिच्या कोचिंग क्लाससाठी बावनबीर येथून शेगावकडे जाणाऱ्या बसमध्ये बसली होती. यावेळी चार आरोपींनी संगनमत करून तिचा पूर्वनियोजित पाठलाग सुरू केला.
पीडितेने दिलेल्या फिर्यादीनुसार, बस सुरू असताना त्यातील एका मुख्य आरोपीने विद्यार्थिनीला वाईट हेतूने स्पर्श केला आणि तिचा हात पकडून विनयभंग केला. धक्कादायक बाब म्हणजे, इतर तिघे आरोपी दुचाकी, ऑटो आणि बसच्या माध्यमातून सातत्याने पीडितेचा माग काढत मुख्य आरोपीला या कृत्यात मदत करत असल्याचे प्राथमिक तपासात समोर आले आहे.
पीडितेचे धाडस आणि पोलिसांची कारवाई
या अचानक घडलेल्या प्रसंगामुळे प्रचंड घाबरलेल्या विद्यार्थिनीने धीर न सोडता तातडीने सोनाळा पोलीस चौकी गाठली आणि आपल्यासोबत घडलेला प्रकार पोलिसांना सांगितला. पीडितेच्या तक्रारीवरून पोलिसांनी खालील चार आरोपींविरोधात गुन्हा नोंदवला आहे:
१. प्रथमेष सुरेश महल्ले (रा. शेलू, ता. बार्शीटाकळी)
२. सौरभ हटकर (रा. भेंडी सुत्र, ता. बार्शीटाकळी)
३. कृष्णा संतोष गावंडे (रा. भेडगाव, ता. बार्शीटाकळी)
४. शिवा हटकर (रा. बावनबीर, ता. संग्रामपूर)
सद्यस्थिती:
गुन्हा दाखल होताच सोनाळा पोलिसांनी तपासाची चक्रे फिरवून यातील दोन आरोपींना तातडीने अटक केली आहे. उर्वरित फरार दोन आरोपींचा शोध घेण्यासाठी पोलिसांचे पथक रवाना झाले आहे. ठाणेदार संदीप काळे यांच्या मार्गदर्शनाखाली पोलीस या प्रकरणाचा पुढील सखोल तपास करत आहेत.
.jpeg)
0 Comments