नेमकी घटना काय?
आज सकाळी नेहमीप्रमाणे वर्दळ सुरू असताना कुरेशी यांच्या भंगार दुकानातून अचानक धुराचे लोट बाहेर पडू लागले. काही वेळातच आगीने रौद्र रूप धारण केले. दुकानात मोठ्या प्रमाणावर प्लास्टिक, लोखंड आणि इतर भंगार साहित्य असल्याने आगीची तीव्रता वाढत गेली. आकाशात धुराचे काळे लोट पसरल्याने परिसरात भीतीचे वातावरण निर्माण झाले होते.
पेट्रोल पंपावर टांगती तलवार
या घटनेचे सर्वात भयावह रूप म्हणजे हे दुकान बोंद्रेपेट्रोल पंपाच्या अगदी खेटून आहे. जर आगीने पेट्रोल पंपाचा ताबा घेतला असता, तर शह राच्या मध्यभागी मोठा स्फोट होऊन जीवितहानी होण्याची शक्यता होती. मात्र, ही धोक्याची घंटा ओळखून स्थानिक व्यापाऱ्यांनी आणि नागरिकांनी तातडीने मदतीसाठी धाव घेतली.
तत्परतेमुळे अनर्थ टळला
घटनेची माहिती मिळताच अग्निशमन विभागाच्या गाड्या घटनास्थळी दाखल झाल्या. अग्निशमन जवान, स्थानिक नागरिक आणि व्यापाऱ्यांनी शर्थीचे प्रयत्न करून आगीवर नियंत्रण मिळवले. वेळेत आग विझवण्यात यश आल्याने शेजारील पेट्रोल पंप आणि इतर दुकाने सुरक्षित राहिली.
लाखोंचे नुकसान
आग आटोक्यात आली असली तरी, या दुर्घटनेत कुरेशी यांच्या दुकानातील भंगार साहित्य जळून खाक झाले आहे. प्राथमिक अंदाजानुसार, या आगीत लाखों रुपयांचे आर्थिक नुकसान झाले आहे.
तपास सुरू:
आग कशामुळे लागली याचे नेमके कारण अद्याप समजू शकलेले नाही. पोलीस आणि अग्निशमन विभागाकडून पंचनामा करण्याचे काम सुरू असून आगीच्या कारणाचा शोध घेतला जात आहे.
शहराच्या वर्दळीच्या ठिकाणी घडलेल्या या घटनेने प्रशासकीय यंत्रणेची धावपळ उडाली, तर नागरिकांनी सुटकेचा नि:श्वास टाकला आहे.
बातमी आणि जाहिरात साठी संपर्क करा : ९८६०४९४८०७ ——— बातमी आणि जाहिरात साठी संपर्क करा : ९८६०४९४८०७
.jpeg)
0 Comments