सुलतानपूरचा डंका! एकाच वेळी गावातील ४ तरुण भारतीय सैन्यात दाखल; संपूर्ण परिसरात अभिमानाचा पूर!

सुलतानपूर (गावकरी टाइम्स/मोईन खान):

सुलतानपूर गावांसाठी आजचा दिवस सुवर्ण अक्षरांनी लिहिला जावा असा ऐतिहासिक आणि अत्यंत अभिमानाचा ठरला आहे. गावातील एकाच वेळी तब्बल चार तरुण मुलांची भारतीय सैन्य दलात (Indian Army) निवड झाली आहे. आपल्या अथक परिश्रमाच्या, जिद्दीच्या आणि देशसेवेच्या उत्कट भावनेच्या बळावर या चार सुपुत्रांनी भारतीय सैन्यात झेप घेत संपूर्ण गावासह, आपले कुटुंब आणि समाजाचे नाव देशपातळीवर रोशन केले आहे.

"आमच्या WhatsApp ग्रुपला जॉईन होण्यासाठी येथे क्लिक करा"

एकाच गावातून चार मुले एकाच वेळी भारतीय सैन्यात दाखल होण्याची ही जिल्ह्यातील पहिलीच मोठी घटना असावी, ज्यामुळे संपूर्ण सुलतानपूर परिसरात आनंदाचे आणि उत्साहाचे वातावरण निर्माण झाले आहे.

संघर्ष आणि यशाची आगळीवेगळी कहाणी

या चारही तरुणांचा इथपर्यंत पोहोचण्याचा प्रवास अत्यंत खडतर आणि प्रेरणादायी राहिलेला आहे. प्रत्येकाची कहाणी वेगळी असली, तरी प्रत्येकाच्या मनात देशसेवेची एकच जिद्द होती.

१. शेख ताबीश शेख तबारक: मजुराचा मुलगा बनला देशाचा रक्षक

शेख ताबीश हा अत्यंत गरीब कुटुंबातून पुढे आलेला तरुण आहे. त्याचे वडील शेख तबारक हे मोलमजुरी करून घराचा उदरनिर्वाह चालवतात. हलाखीच्या परिस्थितीतही ताबीशने आपले ध्येय सोडले नाही. अत्यंत कठीण परिस्थितीत त्याने घेतलेल्या मेहनतीचे आज चीज झाले असून, त्याने आपल्या या यशाचे संपूर्ण श्रेय आपल्या कष्टकरी वडिलांना दिले आहे.

२. अब्दुल जुनेद अब्दुल रफीक: भावांच्या खंबीर साथीने गाठले शिखर

अब्दुल जुनेद याच्या डोक्यावर वडिलांचे छत्र नाही. घरची परिस्थिती अत्यंत नाजूक असतानाही त्याने हिंमत हारली नाही. आपल्या या प्रवासाविषयी बोलताना अब्दुल जुनेदने सांगितले की, वडिलांच्या पश्चात त्याचे मोठे भाऊ अब्दुल राजिक आणि अब्दुल फैजल यांनी त्याला खंबीर साथ दिली. त्यामुळेच आज तो या पदापर्यंत पोहोचू शकला असून, त्याने आपल्या यशाचे श्रेय आपल्या दोन्ही मोठ्या भावांना दिले आहे.

३. अफराज खान अख्तर खान: देशसेवेचा वारसा पुढे चालवणार

अफराज खान याच्या घरातून देशसेवेचा मोठा वारसा लाभला आहे. त्याचे वडील अख्तर खान हे स्वतः भारतीय सैन्य दलात देशसेवा बजावून नुकतेच सेवानिवृत्त झाले आहेत. वडिलांच्या पावलावर पाऊल ठेवत, वडिलांचाच देशसेवेचा वारसा पुढे नेण्यासाठी अफराजने अहोरात्र मेहनत घेतली आणि आज तोही भारतीय सैन्यात दाखल झाला आहे.

४. वैभव सुनील अवचार: चिकाटी आणि जिद्दीच्या जोरावर मिळवले यश

वैभव अवचार याचीही कौटुंबिक परिस्थिती गरिबीचीच आहे. मात्र, अत्यंत प्रतिकूल परिस्थितीवर मात करत, केवळ आणि केवळ स्वतःच्या अंगी असलेल्या जिद्द, चिकाटी आणि कडक शिस्तीच्या जोरावर वैभवने हे उत्तुंग यश संपादन केले आहे.

"देशसेवा हीच सर्वोच्च सेवा"

"देशसेवा हीच सर्वोच्च सेवा" या ध्येयाने प्रेरित होऊन सुलतानपूरच्या या चारही वीरांनी देशाच्या संरक्षणासाठी आपले पाऊल पुढे टाकले आहे. भारतीय सैन्यात निवड होणे ही केवळ वैयक्तिक उपलब्धी नसून संपूर्ण गाव आणि नातेवाईकांसाठी सर्वोच्च अभिमानाची बाब आहे.

या ऐतिहासिक यशाबद्दल शेख ताबीश, अब्दुल जुनेद, अफराज खान आणि वैभव अवचार या चारही नवविवाचित जवानांचे समस्त ग्रामस्थांच्या वतीने हार्दिक अभिनंदन केले जात असून, त्यांच्या पुढील वाटचालीस, उत्तम आरोग्य आणि शौर्यपूर्ण कारकिर्दीसाठी मनःपूर्वक शुभेच्छा दिल्या जात आहेत.

बातमी आणि जाहिरात साठी संपर्क करा : ९८६०४९४८०७ ——— बातमी आणि जाहिरात साठी संपर्क करा : ९८६०४९४८०७