ठळक बातमी: वढव(ता.लोणार)परिसरात आगीचे थैमान; ७ संसार उघड्यावर! मध्यरात्री लोकप्रतिनिधींनी प्रत्यक्ष उतरून विझवली आग

 

वढव (ता. लोणार/गावकरी टाइम्स):

निसर्गाच्या लहरीपणाशी झुंजणाऱ्या बळीराजावर आता आगीने घाला घातला आहे. लोणार तालुक्यातील वढव येथे मध्यरात्रीच्या सुमारास अचानक लागलेल्या भीषण आगीत ७ शेतकऱ्यांची घरे आणि त्यातील संपूर्ण मालमत्ता जळून खाक झाली. भीषण ज्वालांनी काही वेळातच संपूर्ण घरांचा ताबा घेतल्याने गावकऱ्यांमध्ये भीतीचे वातावरण पसरले होते.

 

"आमच्या WhatsApp ग्रुपला जॉईन होण्यासाठी येथे क्लिक करा"

नेत्यांची तत्परता; स्वतः उपस्थित राहून आगीवर मिळवले नियंत्रण

घटनेचे गांभीर्य ओळखून स्थानिक आमदार सिद्धार्थ खरात यांनी कोणतीही वेळ न घालवता मध्यरात्रीच वढव गाठले. त्यांच्यासोबत मेहकरचे नगराध्यक्ष किशोर गारोळे हे देखील मदतीसाठी धावून आले. रात्री दीडच्या सुमारास घटनास्थळी पोहोचून या नेत्यांनी प्रशासकीय यंत्रणेला तात्काळ सक्रिय केले. लोणार आणि मेहकर येथून तातडीने अग्निशमन दलाच्या गाड्या पाचारण करण्यात आल्या. पहाटे ४ वाजेपर्यंत नेत्यांच्या उपस्थितीत हे अग्निशमन अभियान सुरू होते, ज्यामुळे मोठी दुर्घटना टळली.

शेतकऱ्यांना शासकीय मदतीची प्रतीक्षा

या आगीत ७ कुटुंबांचे धान्य, कपडे आणि साठवलेला पैसा जळून राख झाला आहे. यावेळी तहसीलदार भूषण पाटील आणि ॲड. आकाश घोडे यांनी घटनास्थळाची पाहणी केली. आमदार महोदयांनी नुकसानग्रस्त कुटुंबांना धीर देताना, "शासनाकडून जास्तीत जास्त आर्थिक मदत आणि योग्य भरपाई मिळवून देऊ," असे आश्वासन दिले. सध्या गावात हळहळ व्यक्त होत असून प्रशासनाकडून पंचनाम्याची प्रक्रिया तातडीने राबवली जात आहे.

बातमी आणि जाहिरात साठी संपर्क करा : ९८६०४९४८०७ ——— बातमी आणि जाहिरात साठी संपर्क करा : ९८६०४९४८०७