'गाव तेथे शाखा' हाच आमचा निर्धार!
या दौऱ्याच्या निमित्त आयोजित बैठकीत बोलताना बाळासाहेब शेंडगे यांनी आक्रमक पवित्रा घेत पक्ष विस्तारावर जोर दिला. "राजसाहेबांचे विचार प्रत्येक घरापर्यंत पोहोचवण्यासाठी 'गाव तेथे शाखा' ही संकल्पना आता प्रत्यक्षात उतरवणार," असा ठाम विश्वास त्यांनी व्यक्त केला. कार्यकर्त्यांनी मरगळ झटकून सक्रिय व्हावे आणि प्रत्येक गावात मनसेचा झेंडा फडकवावा, असे थेट आदेशच त्यांनी यावेळी दिले.
पदाधिकाऱ्यांना दिले विजयाचे 'मंत्र'
दौऱ्यादरम्यान शेंडगे यांनी पक्षाचे धोरण आणि संघटनात्मक बांधणीबाबत पदाधिकाऱ्यांना सविस्तर मार्गदर्शन केले. आगामी काळातील निवडणुका आणि पक्षाची वाढती ताकद लक्षात घेता, पक्ष संघटना अधिक मजबूत करण्यासाठी त्यांनी विविध सूचना केल्या. या दौऱ्यामुळे संपूर्ण बुलढाणा जिल्ह्यातील मनसे कार्यकर्त्यांमध्ये एक नवीन चैतन्य संचारले असल्याचे पाहायला मिळत आहे.
यांची होती उपस्थिती:
या महत्त्वपूर्ण प्रसंगी मनसे जिल्हाध्यक्ष शिवादादा पुरंदरे, तालुकाध्यक्ष मिलन चव्हाण, विधानसभा अध्यक्ष बंडू डोळस, रोहित शेळके, शहर प्रमुख रोहित जाधव, प्रथमेश पवार, शेख शहजाद, नवनाथ रामाणे यांच्यासह मोठ्या संख्येने मनसे सैनिक आणि पदाधिकारी उपस्थित होते.
थोडक्यात पण महत्त्वाचे:
संपर्क प्रमुखांच्या या दौऱ्यामुळे बुलढाणा जिल्ह्यात मनसेची बांधणी आता अधिक आक्रमक होणार असून, 'गाव तिथे शाखा' मोहिमेला मोठी गती मिळणार असल्याचे चित्र स्पष्ट दिसत आहे.
.jpeg)
0 Comments