"राजुरा शिवारातील 'ते' अर्धवट जळालेले धड कोणाचे? गुलाबी सँडल आणि हातातील काळा दोरा... एका गूढ हत्येचा थरार!"

जळगाव जामोद (गावकरी टाइम्स/प्रतिनिधी): बुलढाणा जिल्हयातील जळगाव जामोद तालुक्यातील राजुरा शिवारात एक मन सुन्न करणारी घटना उघडकीस आली आहे. एका अज्ञात महिलेची निर्घृण हत्या करून पुरावा नष्ट करण्याच्या उद्देशाने तिचा मृतदेह जाळण्याचा प्रयत्न करण्यात आला आहे. काल या परिसरात महिलेचे मुंडके (शिर) आणि धड वेगवेगळ्या अवस्थेत सापडल्याने संपूर्ण परिसरात एकच खळबळ उडाली आहे. 

 

"आमच्या WhatsApp ग्रुपला जॉईन होण्यासाठी येथे क्लिक करा"

काय आहे नेमकी घटना?

मिळालेल्या माहितीनुसार, राजुरा शिवारातील जंगल परिसराजवळ सुरुवातीला एक कापलेले शिर सापडले होते. त्यानंतर पोलिसांनी केलेल्या कसून तपासात काही अंतरावर महिलेचे धड देखील मिळून आले. सुरुवातीला हा वन्य प्राण्यांचा हल्ला असावा असा अंदाज वर्तवण्यात येत होता, मात्र मृतदेहाची पाहणी केली असता, हा थंड रक्ताने केलेला खून असल्याचे स्पष्ट झाले आहे. मारेकऱ्यांनी आधी महिलेची हत्या केली आणि त्यानंतर ओळख पटू नये यासाठी मृतदेह जाळण्याचा प्रयत्न केला. मृतदेह अर्धवट जळालेल्या अवस्थेत आहे.

महिलेची ओळख पटवण्यासाठी पोलिसांचे आवाहन

या मृत महिलेची ओळख अद्याप पटलेली नाही. पोलिसांनी तिचे वर्णन प्रसिद्ध केले असून नागरिकांना मदतीचे आवाहन केले आहे.

महिलेचे वर्णन:

अंदाजे वय: २० ते ३० वर्षे.

उंची: ५ फूट ३ इंच.

वर्ण: सावळा, केस काळे.

पेहराव व दागिने:

निळ्या रंगाची अंतर्वस्त्रे (ब्रा), पायात गुलाबी रंगाचे सँडल, उजव्या हातात काळा धागा आणि गळ्यात काळ्या मण्यांची पोत.

पोलिसांचा संपर्क क्रमांक:

जर आपल्या परिचयातील किंवा परिसरातील कोणी महिला बेपत्ता असेल आणि वरील वर्णनाशी मिळतीजुळती असेल, तर तात्काळ खालील क्रमांकावर संपर्क साधावा:

सुनील अंबुलकर (पोलीस निरीक्षक, स्थानिक गुन्हे शाखा): ९९२३४८१९४७

यशोदा कणसे: ८६६८७३८३८४

या घटनेमुळे परिसरात भीतीचे वातावरण पसरले असून, पोलीस या निर्घृण हत्येचा अधिक तपास करत आहेत. मारेकरी कोण आणि हत्येचे कारण काय, हे महिलेची ओळख पटल्यानंतरच स्पष्ट होऊ शकणार आहे.

बातमी आणि जाहिरात साठी संपर्क करा : ९८६०४९४८०७ ——— बातमी आणि जाहिरात साठी संपर्क करा : ९८६०४९४८०७