साखरखेर्डा (गावकरी टाइम्स/जुबेर शाह): सिंदखेड राजा तालुक्यातील देऊळगाव कोळ येथील कै. अण्णासाहेब गायकवाड विद्यालय व कनिष्ठ महाविद्यालयाने शैक्षणिक वर्ष २०२५-२६ च्या उच्च माध्यमिक प्रमाणपत्र (१२ वी) परीक्षेत दैदीप्यमान यश संपादन केले आहे. महाविद्यालयाच्या कला आणि विज्ञान या दोन्ही शाखांचा निकाल १०० टक्के लागला असून, विद्यार्थ्यांनी आपल्या यशाने परिसराच्या शिरपेचात मानाचा तुरा रोवला आहे.
कला शाखेचे यश:
काजल चातारकर प्रथम
कला शाखेतून एकूण ३४ विद्यार्थ्यांनी नशिब आजमावले होते आणि सर्वच्या सर्व ३४ विद्यार्थी उत्तीर्ण झाले आहेत. निकालाची ही 'सेंच्युरी' महाविद्यालयाच्या गुणवत्तेवर शिक्कामोर्तब करणारी ठरली आहे.
प्रथम क्रमांक: काजल संतोष चातारकर (८२%)
द्वितीय क्रमांक: साक्षी समाधान लहाने (७७%)
तृतीय क्रमांक: वैष्णवी दत्तात्रय लादे (७६%)
बहुतांश विद्यार्थ्यांनी प्रथम श्रेणी आणि विशेष प्राविण्य मिळवून महाविद्यालयाचा गौरव वाढवला आहे.
विज्ञान शाखेत निहारिका लकडे यांची बाजी
विज्ञान शाखेचा निकालही शंभर टक्के लागला असून, विद्यार्थ्यांनी स्पर्धात्मक युगात आपली चमक दाखवली आहे.
प्रथम क्रमांक: निहारिका शिवाजी लकडे (८९%)
द्वितीय क्रमांक: संकेत संजय मोरे (८४%)
तृतीय क्रमांक: साक्षी विजय बोडखे (८३%)
परिश्रमाचे फळ आणि कौतुकाचा वर्षाव
या ऐतिहासिक यशाबद्दल बोलताना संस्थेचे प्राचार्य बालासाहेब रावसाहेब गायकवाड यांनी विद्यार्थ्यांच्या जिद्दीचे आणि शिक्षकांच्या अहोरात्र मेहनतीचे कौतुक केले. विद्यार्थ्यांच्या यशात पालकांचा पाठिंबाही तितकाच महत्त्वाचा असल्याचे त्यांनी नमूद केले.
यशस्वी विद्यार्थ्यांचे आणि मार्गदर्शक शिक्षकांचे संपूर्ण परिसरातून अभिनंदन होत असून, महाविद्यालयाच्या या यशाने ग्रामीण भागातील शैक्षणिक प्रगतीवर पुन्हा एकदा प्रकाश टाकला आहे. सर्व यशस्वी गुणवंतांना पुढील वाटचालीस प्राचार्य व शिक्षक वृंदांनी शुभेच्छा दिल्या आहेत.
.jpeg)
0 Comments