जगभरात अकोल्याचा पारा सर्वात हाय! सहारा वाळवंटातील शहरांनाही टाकले मागे; विदर्भात सूर्याचा कोप!

विदर्भ(गावकरी टाइम्स): यंदाच्या उन्हाळ्याने सुरुवातीलाच आपले रौद्र रूप दाखवण्यास सुरुवात केली आहे. आज दि. १४ एप्रिल २०२६ रोजी विदर्भातील अकोला शहर केवळ भारतातच नव्हे, तर संपूर्ण जगात सर्वात उष्ण शहर ठरले आहे. अकोल्याने तापमानात आफ्रिकेतील सहारा वाळवंटातील अतिउष्ण शहरांनाही मागे टाकून जागतिक स्तरावर 'नंबर एक'चे स्थान गाठले आहे. 

🌍 जागतिक स्तरावर विदर्भाचा दबदबा (उष्णतेत!)

ताज्या जागतिक आकडेवारीनुसार, जगातील टॉप १५ उष्ण शहरांच्या यादीत विदर्भातील शहरांनी खळबळजनक स्थान मिळवले आहे: १. अकोला (भारत): ४४.०°C 🥇 २. गुलबर्गा (भारत): ४४.०°C ३. अमरावती (भारत): ४३.८°C (जगात तिसरे) ७. वर्धा (भारत): ४३.५°C या यादीत नायजर, चाड आणि म्यानमार सारख्या देशांमधील शहरांचा समावेश आहे, परंतु विदर्भातील अकोला आणि अमरावतीने या सर्वांना मागे सारले आहे. जगातल्या पहिल्या १० उष्ण शहरांमध्ये विदर्भातील तीन शहरांचा समावेश असल्याने या भागातील भीषण उष्णतेची कल्पना येते. 

☀️ सहारा वाळवंटापेक्षाही जास्त ताप! 

जगातील सर्वात उष्ण प्रदेश म्हणून ओळखल्या जाणाऱ्या आफ्रिकेतील सहारा वाळवंटातील 'बिर्नी-एन-कोन्नी' (Birni-N'Konni) आणि 'नियामी' (Niamey) या शहरांपेक्षाही जास्त तापमान आज अकोल्यात नोंदवण्यात आले. अकोल्याचा पारा ४४ अंशांवर गेल्याने जनजीवन विस्कळीत झाले असून दुपारच्या वेळी रस्त्यांवर शुकशुकाट पाहायला मिळत आहे. 

⚠️ नागरिकांना सावधानतेचा इशारा वाढत्या उन्हामुळे उष्माघाताचा (Heat Stroke) धोका वाढला आहे. नागरिकांनी दुपारी १२ ते ४ या वेळेत काम नसेल तर बाहेर पडणे टाळावे, भरपूर पाणी प्यावे आणि सुती कपड्यांचा वापर करावा, असे आवाहन प्रशासनाकडून करण्यात येत आहे.

"आमच्या WhatsApp ग्रुपला जॉईन होण्यासाठी येथे क्लिक करा"

बातमी आणि जाहिरात साठी संपर्क करा : ९८६०४९४८०७ ——— बातमी आणि जाहिरात साठी संपर्क करा : ९८६०४९४८०७